# Mietvertrag über Kellerräume im Haus Erenfels, 11. November 1476
[Taunus-Rhein-Main - Regionalgeschichtliche Sammlung Dr. Stefan Naas](https://hessen.museum-digital.de/institution/4)
Sammlung: [Historische Urkunden und Druckschriften aus dem TAUNUS und FRANKFURT](https://hessen.museum-digital.de/collection/40)
Sammlung: [Dokumentensammlung der FAMILIE RORBACH](https://hessen.museum-digital.de/collection/84)
Inventarnummer: 1480/Rorbach/3
Beschreibung
Henne von Schaffheym und Veltin von Neysen, Frankfurter Bürger, mieten von Bernhart Rorbach zwei Schankkeller in dessen Haus Erenfels für die Dauer von sechs Jahren.
Datum:
Vnd geb(e)n sint vff Sanct Martins tag | deß heyligen Bischoffs Anno (domini) Mo cccco lxxo sexto
(1. November 1476)
Material/Technik
Papier, 11 Blätter gebunden. Hier: Blatt 3r.
Maße
BxH 22,3 x 29,4 cm
## Abschrift
### Original: Deutsch
> [Blatt 3r. Paginierung von anderer Hand: 7, rechts oben]
>
> Ich henne von Schaffheym vnd ich Veltin von Neysen burgere zcu fra(n)ckfort | bekenne(n) vor unß vnd vnsere erb(e)n vnd thun kunt vffentlich(e)n Inn diese(m) | brieff das wir bestanden han vnd besteen in crafft dieß briefs vmb den Er- | samen ingher(n) Bernhartten Rorbach zwene schenkkeller inn synem | gehuße Ernfels sehs iare langk die nehst nach eynander fulgen werd(en) | nach dat(?) dieß brieffs win dar inne zu legen vnd zu schencken ye des iare | besunder umb acht guld(en) guter franckfurter weru(n)ge daruß zu geb(e)n doch | also das yezuzytten die ihenen die im huse Ernfels wonen daß underscheydt | im keller zum hunderstelgin dyenen geprachen sollen ane verhinderunge | vnser vnd eins iglichen von vnsern weg(e)n Wir sollen auch umb der selb(e)n | inwoner willen uff daß sie obenvff mit rauch nit bekrodt werd(en) keyn fure | fuwer im gehuse Ernfels mach(e)n Auch inn denn messen keynen win | dar inne schencken Vnd den k krome vber dem keller hat jungher Bern- | hart macht zunerlichen vnd so der uzluhen ist Sollen noch enwollenn | wir die ihene(n) die yenn bestanden hetten daran nit verhindern noch bekrod- | den inne keyne wise Und wares sache das jungher Bernhart vorgñt | oder sin erben bynnen den vorgemelten sehs iaren die ganz husunge | Erenfelsch mit kellern und aller zugehoru(n)ge verlyhen oder verkeuffen | oder daz sye die zwene keller selber pruchen wolten daß sollen sie vnß | verkunden Vnd wir nach der verkundunge aber eynen moent yen die | zwene keller rumen geb(e)n vnd bezaln nach anczale was wir dar inne | versessen hetten vnd noch schuldig weren alles vngeudlich Deß zu ware(n) | urkunde sint dieser brieffe zwene glichlutende vßeynander gesnytten | vnd mit vnser beyder ingesiegel v(er)siegelt Der wir eyne vnd jungher | Bernhart den andern inhann Vnd geb(e)n sint vff Sanct Martins tag | deß heyligen Bischoffs Anno (domini) Mo cccco lxxo sexto
>
> [Am rechten Rand neben Z. 1–7 Glosse von anderer Hand (Schreiber 2)] Henne von Schaffheim Bernhart Rorbach.1476.
>
> [Transkription: Dr. Stefan Krüger, Frankfurt am Main]
___
- Ausgefertigt ...
+ wann: 1476
+ wo: [Frankfurt am Main](https://hessen.museum-digital.de/oak?ort_id=217)
## Bezug zu Personen oder Körperschaften
- [Bernhard Rorbach (1446-1482)](https://hessen.museum-digital.de/people/72322)
## Teil von
- [Dokumentensammlung zur Frankfurter Patrizierfamilie Rorbach](https://hessen.museum-digital.de/series/48)
___
Stand der Information: 2023-09-30 06:46:50
[CC BY-NC-SA @ Taunus-Rhein-Main - Regionalgeschichtliche Sammlung Dr. Stefan Naas](https://creativecommons.org/licenses/by-nc-sa/4.0/)
___
- https://hessen.museum-digital.de/data/hessen/images/4/6426-1480rorbach3/mietvertrag_ueber_kellerr/mietvertrag-ueber-kellerraeume-im-haus-erenfels-11-november-1476-6426.jpg